स्वास्थ्य तथा जनसंख्या मन्त्रालयका अनुसार आजसम्म ९ लाख ४ हजार ७ सय ६ जनाको पीसीआर विधिबाट कोरोना परीक्षण गरिएको छ ।  सो संख्यामा परीक्षण गर्दा देशभर कुल संक्रमितको संख्या ६२ हजार ७ सय ९७ पुगेको छ । आज मात्रै थप १ हजार २ सय ४ जनामा कोरोना संक्रमण देखिएको छ । आज १० हजार ३ सय ३३ पीसीआर परीक्षण भएकोमा ४ सय ८ जना महिला र ७ सय ९६ जना पुरुषमा संक्रमण देखिएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए  । काठमाडौंमा ५ सय ७०, ललितपुरमा ५८ र भक्तपुरमा ८३ जना संक्रमित थपिएका छन् ।

त्यस्तै आज निको भएर घर फर्किनेको संख्या ४५ हजार नाघेको छ । आज १ हजार ४ सय ४७ संक्रमित निको भएर घर फर्किएसँगै देशभर निको भएर डिस्चार्ज हुनेको संख्या ४५ हजार २ सय ६७ पुगेको हो । आजसम्म प्रदेश- १ मा ३ हजार ९ सय ६१, प्रदेश- २ मा १२ हजार ७४, बागमतीमा १० हजार ५ सय ३६ र गण्डकीमा २ हजार ६ सय ३७ जना संक्रमित डिस्चार्ज भएर घर फर्किएका छन् । यस्तै प्रदेश- ५ मा ७ हजार २ सय ७, कर्णालीमा २ हजार ६ सय ५७ र सुदूरपश्चिममा ६ हजार १ सय ९५ डिस्चार्ज भएका छन् ।

आज देशभरी सक्रिय संक्रमितको संख्या १७ हजार १ सय २९ रहेको छ । संस्थागत आइसोलेसनमा प्रदेश- १ मा ३ सय ७३, प्रदेश- २ मा ८ सय ७८, बागमतीमा ५ हजार २ सय २३ र गण्डकीमा ८ सय ३७ जना संक्रमित रहेका छन् । यस्तै, प्रदेश- ५ मा १ हजार २ सय १७, कर्णालीमा २ सय ९० र सुदूरपश्चिम प्रदेशमा ३ सय ३५ गरी देशभरी संस्थागत आइसोलेनमा ९ हजार १ सय ५३ जना संक्रमित उपचाररत रहेका छन् ।

यसैगरी होम आइसोलेसनमा प्रदेश- १ मा १ हजार २ सय ८९, प्रदेश- २ मा १ हजार ७७, बागमतीमा ४ हजार २ सय ९१ र गण्डकी प्रदेशमा १ सय ८७ जना संक्रमित रहेका छन् । यस्तै, प्रदेश- ५ मा ६ सय ९७, कर्णालीमा १ सय ८६ र सुदूरपश्चिम प्रदेशमा २ सय ८९ गरी देशभरी ७ हजार ९ सय ७६ संक्रमित होम आइसोलेसनमा रहेका छन् । यस्तै, आईसीयूमा १ सय ७९ जना र भेन्टिलेटरमा ३५ जना संक्रमित उपचाररत रहेका छन् ।

त्यस्तै, कोरोनाबाट मृत्यु हुनेको संख्या ४ सय नाघेके छ । आज थप ११ जनाको मृत्यु भएसँगै नेपालमा कोरोनाबाट मृत्यु हुनेको संख्या ४ सय १ पुगेको हो । मन्त्रालयका अनुसार आज ७ महिला र ४ जना पुरुषको कोरोनाबाट मृत्यु भएको छ । आज मोरङमा ६५ वर्षीया, रौतहटमा ५१ वर्षीया, सर्लाहीमा ५६ वर्षीया तथा ललितपुरमा ७६ र ६८ वर्षीया महिलाको कोरोनाबाट मृत्यु भएको छ ।

यस्तै, काठमाडौंमा ७७ र मकवानपुरमा ३७ वर्षीया महिला गरी ७ जना महिलाको कोरोनाबाट मृत्यु भएको मन्त्रालयले जनाएको छ । यस्तै, ललितपुरमा ६० वर्षीय, काठमाडौंमा ७५ वर्षीय, रूपन्देहीमा ६९ वर्षीय र बाँकेमा ४५ वर्षीय पुरष गरी ४ जनाको मृत्यु भएको छ ।