विराटनगर ३ असोज–प्रदेश १ मा पछिल्लो २४ घण्टामा ५९ जना कोरोना संक्रमित थपिएका छन् । मोरङमा ३२, सुनसरीमा २२, झापामा चार र प्रदेश एक बाहिरका एक जना रहेको सामाजिक विकास मन्त्रालयले जनाएको छ ।

मोरङको रतुवामाईमा १० पुरुष, विराटनगरमा एक महिला छ पुरुष, बुढीगंगामा चार महिला एक पुरुष, कटहरीमा तीन महिला एक पुरुष, धनपालथानमा एक महिला दुई पुरुष, पथरीशनिश्चरे, बेलबारी र जहदामा एक÷एक पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।

मन्त्रालयका अनुसार सुनसरीको इटहरीमा दुई महिला सात पुरुष, रामधुनीमा सात पुरुष, धरानमा एक महिला पाँच पुरुष, झापाको विर्तामोडमा चार पुरुष र प्रदेश एक बाहिरका एक पुरुषमा संक्रमण देखिएको छ ।

योसँगै प्रदेश एकमा कोरोना संक्रमितको संख्या पाँच हजार चार सय ९६ पुगेको छ । प्रदेश १ बाट शनिबार ७१ जना डिस्चार्ज भएका छन् । होम आईसोलेसनबाट ४५, गढी आईसोलेसन केन्द्र सुनसरीबाट १४, कोशी अस्पताल कोभिड १९ उपचार केन्द्र, विराटनगरबाट सात वि.जेनरल अस्पताल आईसोलेसन हरिनगरा सुनसरीबाट तीन जना, मारवाडी सदन र कालिसदन आईसोलेसन विराटनगरबाट एक÷एक जना डिस्चार्ज भएको सामाजिक विकास मन्त्रालयले जनाएको छ । योसँगै प्रदेश १ मा डिस्चार्ज हुनेको संख्या दुई हजार पाँच सय तीन पुगेको छ ।

प्रदेश एकमा शनिबार एक हजार एक सय ३५ जनाको पीसीआर परीक्षण गरिएको छ । परीक्षण गरिएका मध्ये १२ महिला र ४७ पुरुषको रिपोर्ट पोजेटिभ आएको छ । सामाजिक विकास मन्त्रालयका अनुसार प्रदेश एक मा हाल सम्म एक लाख १५ हजार २४ जनाको पीसीआर परीक्षण गरिएको छ ।