आज नाग पञ्चमी पर्व मनाइँदै
काठमाडौं, साउन २९ । श्रावण शुक्ल पञ्चमीका दिन प्रत्येक वर्ष मनाइने नाग पञ्चमी आज मनाइँदै छ। परम्पराअनुसार नागको पूजा अर्चना गरी घरका मूलढोकामा टाँसेर यो पर्व मनाउने गरिन्छ। यसरी नागको तस्वीर टाँस्दा वर्षभर घरमा नाग,...
एजेन्सी, ३० भदौ-अर्जेन्टिना तथा बार्सिलोनाका स्टार लियोनल मेस्सी सर्वाधिक आय गर्ने फुटबलरको शीर्ष स्थानमा उक्लिएका छन् । फोर्ब्सका अनुसार सर्वाधिक आय गर्ने खेलाडीको सूचिमा मेस्सी शीर्ष स्थानमा उक्लिएका हुन् ।
उनले पोर्चुगल तथा युभेन्टसका क्रिष्टियानो रोनाल्डोलाई पछि पारेका हुन् । फोर्ब्सका अनुसार मेस्सीको अनुमानित वार्षिक आय १२६ मिलियन अमेरिकी डलर रहेको छ भने रोनाल्डोको आय ११७ मिलियन डलर छ ।
तेस्रो नम्बरमा ब्राजिल तथा पेरिस सेन्ट–जर्मेन (पीएसजी) का नेइमार छन् । उनको वार्षिक आय ९६ मिलियन डलर रहेको फोर्ब्सले उल्लेख गरेको छ ।
यस्तै चौथो स्थानमा रहेका पीएसजीका केलियन एमबाप्पेको ४२ मिलियन, पाँचौँ स्थानका लिभरपुलका मोहम्मद सालहको ३७ मिलियन, छैटौँ स्थानका म्यानचेस्टर युनाइटेडका पउल पोग्बाको ३४ मिलियन र सातौँ स्थानका बार्सिलोनाका एन्टोनी ग्रिजम्यानको ३३ मिलियन आय छ ।
आठौं स्थानमा रहेका रियल मड्रिडका ग्यारेथ बेलको २९ मिलियन, नवौँ स्थानका बार्यन म्युनिखका रोबर्ट लेवान्डोस्कीको २८ मिलियन र दशौँ स्थानका म्यानचेस्टर युनाइटेडका डेविड डी जियाको २७ मिलियन डलर वार्षिक आय रहेको फोर्ब्सले जनाएको छ ।
सन् २०१९ को सूचिमा को शीर्ष तीन स्थानमा रोनाल्डो, मेस्सी र नेइमार थिए । यो वर्ष एमबाप्पे तीन स्थानमाथि उक्लिएर चौथो स्थानमा आएका छन् ।
