हाल मनसुनको न्यून चापीय रेखा औसतभन्दा माथि र नेपालभन्दा दक्षिणतर्फ अवस्थित रहेको र स्थानीय वायुको पनि प्रभाव कायमै रहेको मौसमविद्ले बताएका छन् ।

महाशाखाद्वारा जारी मौसम पूर्वानुमान बुलेटिनअनुसार भोलि दिउँसो प्रदेश-१, प्रदेश-२, बागमती र गण्डकी प्रदेशका १/२ स्थानमा भारी वर्षाको सम्भावना छ ।

त्यस्तै, राति केही स्थानमा मेघगर्जन र चट्याङ्गसहित हल्कादेखि मध्यम वर्षा हुँदा प्रदेश-१, प्रदेश-२, बागमती, गण्डकी प्रदेश तथा प्रदेश-५ का १/२ स्थानमा भने भारी वर्षाको सम्भावना रहेको महाशाखाले जनाएको छ ।