उनका अनुसार आज निको भएकासहित कुल २२ हजार १ सय ७८ जना संक्रमणमुक्त भएका छन् । प्रदेश- १ मा १ हजार ६ सय २५, प्रदेश- २ मा ५ हजार ३ सय ९७, बागमती प्रदेशमा १ हजार ३ सय ३६ र गण्डकी प्रदेशमा १ हजार ७ सय ८ जना डिस्चार्ज भएका छन् । यस्तै, प्रदेश- ५ मा ५ हजार २३, कर्णाली प्रदेशमा २ हजार १ सय १ र सुदूरपश्चिम प्रदेशमा ४ हजार ९ सय ८८ जना संक्रमणमुक्त भएका छन् ।

आज १ हजार ६९ जनामा कोरोना संक्रमण देखिएको छ । काठमाडौंमा ३ सय ९३, भक्तपुरमा ३० र ललितपुरमा ५८ जनामा संक्रमण देखिएको छ । पीसीआर विधिबाट १२ हजार ८८ वटा परीक्षण भएकोमा आज ३ सय ४४ महिला र ७ सय २५ पुरुषमा संक्रमण देखिएको हो । देशभरी आजसम्म ४० हजार ५ सय २९ जनामा संक्रमण देखिएको छ ।

प्रदेश- १ मा ४ जना, प्रदेश- २ मा २९ जना, बागमती प्रदेशमा ७५ जना, गण्डकी प्रदेशमा ६ जना र प्रदेश- ५ मा १३ गरी देशभरी १ सय २७ जना संक्रमित आइसीयूमा उपचाररत रहेका छन् । यस्तै, बागमती १४ जना र प्रदेश- ५ मा ३ जना गरी १७ जना संक्रमित भेन्टिलेटरमा उपचाररत रहेका छन् ।

आज देशभरी सक्रिय संक्रमित १८ हजार १ सय १२ जना रहेका छन् । क्वारेन्टाइनमा ७ हजार ३ सय ९० जना रहेका छन् । आज कोरोना संक्रमणबाट ४ वर्षीया बालिकासहित थप ११ जनाको मृत्यु भएको छ ।