आज थपिएका संक्रमितसँगै देशभर कुल संक्रमितको संख्या ३९ हजार नाघेको छ । आजसम्म ३९ हजार ४६० जनामा संक्रमण पुष्टि भएको छ । यीमध्ये १७ हजार ८२२ जना सक्रिय संक्रमित रहेका छन् । सक्रिय संक्रमितमध्ये ७ हजार १२१ जना होम आइसोलेसनमा छन् भने १० हजार ७०१ जना संस्थागत आइसोलेसनमा रहेका छन् ।

त्यस्तै, पछिल्लो २४ घण्टाको अवधिमा ५८८ जना संक्रमित निको भएर घर फर्किएका छन् । अहिलेसम्म निको हुनेको संख्या २१ हजार ४१० पुगेको मन्त्रालयको तथ्यांक छ । नेपालमा निको हुनेको दर ५४ प्रतिशत रहेको छ ।

पछिल्लो २४ घण्टामा ११ हजार १२९ जनाको पीसीआर परीक्षण गरिएको र अहिलेसम्म कुल परीक्षण ६ लाख ५२ हजार ४७२ जना गरिएको मन्त्रालयले जनाएइको छ । देशभर ७ हजार ३३७ जना क्वारेन्टाइनमा रहेका छन् ।