पछिल्लो २४ घण्टामा उपत्यकामा ६ जनासहित देशभर १२ जनाको मृत्यु भएको स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले जानकारी दिए । उनका अनुसार मृत्यु हुनेमा ३ महिला र ९ पुरुष रहेका छन् ।

काठमाडौंकी ५१, भक्तपुरकी ६२ र पाल्पाकी ३० वर्षीया महिलाको कोरोनाबाट मृत्यु भएको पुष्टि भएको छ । त्यस्तै, ललितपुरका ७२ र ६१, पर्साका ४८ र ३९, सिरहाका ८४, गोरखाका ४८, कास्कीका ५८, काठमाडौंका ८३ र भक्तपुरका ८२ वर्षीय पुरुषको निधन भएको छ ।

आज उपत्यकामा १ सय ८६ जनासहित देशभर थप ८ सय ८४ जनामा कोरोना पुष्टि भएको छ । योसहित संक्रमितको संख्या ३७ हजार ३ सय ४० पुगेको छ । यसमध्ये २० हजार ५ सय ५५ जना निको भएका छन् भने १६ हजार ५ सय ७८ जना सक्रिय संक्रमित रहेका छन् ।