विराटनगर, १० भदौ–झापाको झापा गाँउपालिका–३ कामाटोलीमा सशस्त्र प्रहरीको गोली लारेर एक जनाको मृत्यु भएको छ । सुरक्षाकर्मी माथि स्थानीय आक्रमणमा उत्रिएपछि प्रतिरक्षाका लागि शसस्त्र प्रहरीले चलाएको गोलि लागेर स्थानीय ३८ वर्षिय रमिकुल आलमको मृत्यु भएको हो ।

स्थानीयले. गोरु काटेको सुचना पाएपछि कामाटोली पुगेको प्रहरीले थप मदत मागेको थियो । प्रहरीको मदतका लागि पुगेको सशस्त्र प्रहरीमाथिनै स्थानीयले आक्रमण गरेपछि गोली चल्दा गम्भिर घाइते बनेका आलमको बिर्तामोडस्थित बी एण्ड सी अस्पतालमा उपचारका क्रममा मृत्यु भएको प्रहरी श्रोतले जनाएको छ ।

प्रदेश प्रहरी कार्यालय विराटनगरका प्रवक्ता प्रहरी उपरिक्षक दिपक पोखरेलका अनुसार स्थानीयले काटेको शंकास्पद मासु दुई जना प्रहरीले नियन्त्रणमा लिएपछि उनीहरुमाथि स्थानीयले आक्रमण गरेका थिए ।

प्रहरीको उद्धारका लागि पुगेको शसस्त्र प्रहरी माथिपनि उनीहरु आक्रमणमा उत्रिएपछि स्थिती नियन्त्रणमा लिन १० राउण्ड फायर गरिएको थियो । स्थिती नियन्त्रणमा लिन गोलि चालाइएपछि आलम घाइते भएको प्रदेश प्रहरी प्रवक्ता प्रहरी उपरिक्षक पोखरेलले जानकारी दिए । ‘गोरु काटेको सुचना पाएर घटनास्थल पुगि शंकास्पद मासु् बरामद गरेपछि स्थानीय प्रहरी माथि आक्रमणमा भएको थियो ।’ उनले भने,‘ प्रहरीको उद्धारका लागि पुगेको शसस्त्र प्रहरी माथि पनि आक्रमण गरेपछि स्थिती नियन्त्रणमा लिन १० राउण्ड फायर हुँदा एक जना घाइते भएपछि विएण्ड सि अस्पतालमा मृत्यु भएको भन्ने खबर आएको छ ।’ प्रहरीको गोली लागि आलमको मृत्यु भएपछि सो क्षेत्र तनाबग्रस्त बनेको छ ।