उनका अनुसार मोरङमा ४६ र भक्तपुरमा ५३ वर्षीया महिलाको निधन भएको छ । त्यस्तै महोत्तरीमा ३ जना ६०, ७२ र ७५, कैलालीमा ४५ र ५०, बारामा ४१ र ४६, बाँकेमा ३७, काठमाडौंमा ५१ वर्षीय पुरुषको निधन भएको हो । योसँगै नेपालमा कोरोनाबाट निधन हुनेको संख्या १७५ पुगेको छ ।

आज उपत्यकामा ३०१ जनासहित देशभर थप ८५५ जनामा कोरोना पुष्टि भएको छ । योसहित संक्रमितको संख्या ३४ हजार ४ सय १८  पुगेको छ । यसमध्ये १४ हजार ७ सय ३९ जना सक्रिय संक्रमित छन् । आजसम्ममा १९ हजार ४ सय ५ जना निको भएका मन्त्रालयको तथ्यांक छ ।