योसँगै प्रदेश २ मा कोरोना संक्रमितको संख्या ७ हजार ८८३ पुगेको छ । बुधबार थपिएका संक्रमितमध्ये सबैभन्दा बढी पर्साका छन् । पर्सामा १ सय ९६, सर्लाहीमा ८९, रौतहटमा ३७, धनुषामा २७, बारामा २४, महोत्तरीमा ७ र सप्तरीमा १ जनामा संक्रमण पुष्टि भएको स्वास्थ्य निर्देशनालयका जनस्वासथ्य प्रशासक विजय झाले जानकारी दिए ।

उनका अनुसार पछिल्लो २४ घण्टामा यो प्रदेशमा उपचारपश्चात १२ जना महिलासहित ८६ जना उपचारपछि कोरोना जितेर डिस्चार्ज भएका छन् । यस्तै, पछिल्लो २४ घण्टामा १ महिलासहित ३ जनाको मृत्यु भएको उनले बताए । मृत्यु हुनेहरूमा पर्सा जिल्लाका ६० र ८२ वर्षका २ पुरुष र ४० वर्षीया १ महिलाको कोरोना संक्रमणबाट मृत्यु भएको हो । यससँगै प्रदेश २ मा कोरोना संक्रमणबाट हालसम्म मृत्यु हुनेको संख्या ५० पुगेको छ ।