वीरगञ्जको गण्डक बहुअरीमा रहेको वीरगञ्ज हेल्थ केयर अस्थायी कोभिड अस्पतालमा उपचाररत वीरगञ्ज महानगरपालिका-१५ का ४६ वर्षीय पुरुषको मृत्यु भएको हो । उनको बुधबार बिहान ५ बजे मृत्यु भएको नारायणी अस्पतालका मेडिकल सुपरिटेन्डेन्ट डा. मदनकुमार उपाध्यायले बताए ।

महुमेहका रोगी ती पुरुषमा खोकी, ज्वरोका साथै श्वासप्रश्वासमा समस्या देखिएपछि मंगलबार राति ९ बजेतिर वीरगञ्ज हेल्थ केयर अस्थायी कोभिड अस्पताल भर्ना गरिएको थियो । उपचारका क्रममा बुधबार बिहान ५ बजे ती संक्रमित पुरुषको मृत्यु भएको हो । १८ साउनमा पीसीआर जाँचका लागि स्वाब लिइएकोमा त्यसको भोलिपल्त ती पुरुष कोरोना संक्रमण रहेको पुष्टि भएको थियो ।

यसअघि सोमबार मृत्यु भएकी पर्साको पोखरीया नगरपालिका-८ एक किशोरीमा पनि कोरोना संक्रमण पुष्टि भएको छ । १८ वर्षीया किशोरीमा मंगलबार कोरोना संक्रमण पुष्टि भएको हो । झाडा पखालाको कारण सिकिस्त बनेपछि उपचारको लागि वीरगञ्जस्थित नेशनल मेडिकल कलेजमा ल्याउने क्रममा उनको मृत्यु भएको थियो ।