वीरगञ्ज महानगरपालिकाले कोरोना संक्रमण रोकथाम तथा नियन्त्रणका लागि खटाएको भनिएका कर्मचारीहरू काममा नआएपछि उनीहरूलाई पक्राउ गरिएको हो । वीरगञ्ज महानगरपालिकाले कोरोना नियन्त्रण तथा रोकथाममा ३० जना कर्मचारी खटाएको थियो । तर, उनीहरू कोही पनि खटाएको ठाउँमा नगएपछि पक्राउ गरिएको जिल्ला प्रहरी कार्यालय पर्साले जनाएको छ ।

पर्साका प्रहरी उपरीक्षक गंगा पन्तका अनुसार आज २५ जना स्वास्थ्यकर्मीलाई नियन्त्रणमा लिएको र अन्य ५ जनाको खोजी कार्य भइरहेको छ । महानगरपालिकाले पठाएका ३० जना कर्मचारी मध्ये ४ जना जनस्वास्थ्य निरीक्षक, ११ जना सिनियर अहेब, ६ जना हेल्थ असिस्टेन्ट, ५ जना अहेब र ४ जना अनमी पठाएको रहेका थिए ।