काठमाडाैं, २ साउन-नेपाल राष्ट्र बैंकले चालु आर्थिक वर्षकाे मौद्रिक नीति आज सार्वजनिक गर्दैछ । दिउँसो २ देखि ३ बजेकाे बीचमा नेपाल न्युज नेटवर्ककाे प्रत्यक्ष प्रसारणमार्फत मौद्रिक नीति सार्वजनिक गरिने डेपुटी गभर्नर चिन्तामणि शिवाकाेटीले शिलापत्रलाई जानकारी दिए ।

‘काेभिड-१९ महामारीका कारण यसपटक नेपाल राष्ट्र बैंकबाट टिभीमार्फत माैद्रिक नीति सार्वजनिक गरिँदै छ’, शिवाकाेटीले भने, ‘दिउँसाे २ देखि ३ बजेकाे बीचमा नेपाल न्युज नेटवर्क, नेपाल टेलिभिजनबाट प्रत्यक्ष प्रसारण हुन्छ । यसपटक पत्रकारकाे भाैतिक उपस्थिति नहुने गरी माैद्रिक नीति सार्वजनिक गर्न लागिएकाे हाे ।’

काेराेना भाइरस (कोभिड-१९) काे महामारीबाट प्रभावित उद्योग व्यवसायलाई लयमा फर्काउने गरी केन्द्रीय बैंकले माैद्रिक नीति तयार गरेकाे बताइएकाे छ । स्राेतका अनुसार राष्ट्र बैंकले मर्जर तथा प्राप्तिलाई थप प्रभावकारी पार्ने नीति लिएकाे छ । मर्जर तथा प्राप्ति वित्तीय सुदृढीकरणकाे मुख्य उपायका रूपमा रहँदै आएको छ ।

केन्द्रीय बैंकले मुद्रा आपूर्तिको व्यवस्था कायम गर्न बनाउने विधि नै मौद्रिक नीति हाे । सामान्यता बजेटपछि राष्ट्र बैंकले माैद्रिक नीति सार्वजनिक गर्छ । सरकारले आफ्ना नीति तथा कार्यक्रम कार्यान्वयनका लागि बजेट सार्वजनिक गर्छ भने बजेटले तय गरेको आय–व्ययको सन्तुलन मिलाउन राष्ट्र बैंकले मौद्रिक नीतिमार्फत गर्ने गरेकाे छ ।