मण्डलसँगै आएका उनका साथी जितेन्द्र महतोलाई पनि अख्तियारको टोलीले पक्राउ गरेको छ । अख्तियारको बर्दिबासस्थित कार्यालयका सूचना अधिकारी मणिराज ज्ञवालीका अनुसार अख्तियारको टोलीले दुवै जनालाई योजना डीपीआर गरेको भुक्तानी विषयमा सेवाग्रहीसँग घूस लिँदालिँदै समातिएका छन् ।

लहानमा सेवाग्राहीसँग कमिसनबापत नगद ५ लाख रुपैयाँ बुझेर कल्याणपुर फर्किने क्रममा लहान नगरपालिका–२२, राजदेवी चोकबाट उनीहरूलाई रकमसहित नियन्त्रणमा लिएको उनले जानकारी दिए ।

कल्याणपुर नगरपालिका क्षेत्रमा आरसीसी ढलान सडकको डीपीआर तयार गर्दा छुट्याइएको बजेटमध्ये डीपीआर बनाउने फर्मसँग कमिसनबापतको रकम बुझेर फर्किंदै गर्दा उनीहरू पक्राउ परेका हुन् ।

डीपीआर बनाउन कुन फर्म संलग्न थियो र कुन सडकको आरसीसी ढलानको डीपीआर हो भन्ने खुलेको छैन । घूस रकमसहित पक्राउ गरिएका दुवै जनालाई आयोगको बर्दिबासस्थित कार्यालय लगिएको छ ।

करिब २ वर्ष पहिले पनि कल्याणपुर नगरका प्रमुख प्रशासकीय अधिकृत वासुदेव यादव र लेखापाल जयराम चौधरीलाई अख्तियारले २० हजार रुपैयाँसहित नगरपालिका कार्यालयबाटै नियन्त्रणमा लिएको थियो ।