काठमाडौं, २५ असार-व्यवसायीले यथास्थितिमा सार्वजनिक यातायात चलाउन नसकिने बताएका छन् । सरकारले सामाजिक दूरी कायम गरी एकै जिल्लामा सवारी साधन चल्न दिने निर्णय गरेलगत्तै व्यवसायीले यथास्थितिमा यातायात चलाउन नसकिने बताएका हुन् ।

यातायात व्यवसायीले साविक भाडामा ५० प्रतिशत बढी भाडा लिन पाउनेछन् । तर, व्यवसायीले सरकारको एकलौटी निर्णय आएको भन्दै विरोध जनाएका छन् ।

यातायात व्यवसायी राष्ट्रिय महासंघकका उपाध्यक्ष हरिशरण केसीले भने, ‘हामीसँग छलफल नगरि सरकारले एकलौटी निर्णय गरेको छ । सवारी चलाउने स्थित छैन । खोलेपछि संक्रमितको सङ्ख्या बढ्छ अनि संकटकाल लगाउने खेल हो । महासंघको बैठक बसेर यो विषयमा आधिकारिक धारणा सार्वजनिक गछौँ ।’

यस्ता छन् माग

– लकडाउन भएको समयसम्मको किस्ता, कार्ड नवीकरणलाई जिरोमा लैजानुपर्ने ।

– कागजपत्र नवीकरण लकडाउनपश्चात् ३ महिनाभित्र  स्वतः गर्नुपर्ने ।

– लकडाउनको समयको बैंक ब्याज छुट हुनुपर्ने ।

– यो अवधिमा फेल भएका चालक अनुमतिपत्र स्वतस् नवीकरण गर्नुपर्ने ।

– सवारीसाधन थन्किएको लामो समय भएकाले ब्याट्री, टायर फेर्न र सर्भिसिङ पुनस् कर्जाको व्यवस्था हुनुपर्ने ।

– ६ महिनासम्म यात्रु नहुने भएकाले अनुदान उपलब्ध गराउनुपर्ने ।

– गाडी चलाउने चालक, सहचालक र यात्रुको कोरोना बीमा हुनुपर्ने ।

– सुरक्षाका लागि मास्क, स्यानिटाइजर, पीपीई, ग्लोब्स उपलब्ध गराउनुपर्ने ।

– भाडा समायोजन हुनुपर्ने ।