सिन्धुपाल्चोक, २५ असार-सिन्धुपाल्चोकको भोटेकोशी नदीमा आएको बाढीमा घाइते भएकाहरू अवस्था बुझ्र सभामुख अग्नि सापकोटासहितको टोली हेलिकोप्टरमार्फत् त्यसतर्फ जाने भएको छ ।

सापकोटासहितको टोली हेलिकोप्टरबाट सिन्धुपाल्चोक जाने तयारीमा रहेको सभामुखका प्रेस सल्लाहकार श्रीधर न्यौपानेले जानकारी दिए । बाह्रबिसे नगरपालिका-५ जम्बुमा आएको बाढीले बगाउँदा २ जनाको मृत्यु भएको छ । त्यस्तै, १८ जना बेपत्ता भएका छन् ।

बाढीले अरनिको राजमार्गमा समेत क्षति पुर्‍याएको छ । बाढीका कारण भोटेकोशी गाउँपालिका र बाह्रबिसे नगरपालिकाबीच यातायात सम्पर्क टुटेकाे छ ।