प्रदेश १ मा ३०८ संक्रमणमुक्त, २५२ संक्रमित थपिए
विराटनगर, ३ साउन । प्रदेश १ मा आज ३०८ जना कोरोना संक्रमणमुक्त भएका छन् । संक्रमणमुक्त हुनेमा १६९ महिला र १३९ पुरुष रहेका छन् । हालसम्म संक्रमणमुक्त हुनेको संख्या ७१ हजार १६१ रहेको सामाजिक विकास...
काठमाडौं, १६ असार-नेपाल कम्युनिस्ट पार्टी (नेकपा) का अध्यक्ष पुष्पकमल दाहाल (प्रचण्ड)ले अर्का अध्यक्ष केपी ओलीलाई भारतले नभई आफूले नै प्रधानमन्त्रीबाट हटाउन प्रयास गरेको बताएका छन् ।
नेकपाको जारी सचिवालय बैठकमा पार्टीका अध्यक्षद्वयबीच चर्काचर्की परेपछि प्रचण्डले ओलीलाई भारतले प्रधानमन्त्रीबाट हटाउन खोजेको नभई आफूले नै हटाउन खोजेको जवाफ दिएको बैठकमा सहभागी एक स्थायी कमिटी सदस्यले बताए ।
‘१७ वैशाखमै मैले तपाईंको राजीनामा मागेको हो, अहिले पनि मागेँ, पहिला पनि तपाईंलाई दिल्लीले होइन, मैले हटाएको हो, अब पनि मैले नै हटाउँछु,’ प्रचण्डले बैठकमा राखेको राधणा उद्धृत गर्दै ती नेताले भने ।
नेताहरूले प्रधानमन्त्रीबाट हटाउन खोजेको भन्दै दिएको अभिव्यक्ति पुष्टि गर्न अध्यक्ष ओलीलाई चेतावनी दिएपछि ओलीले पार्टी बैठकका कुराहरू कसले भारतीय मिडियासम्म पुर्याउँछ भन्दै प्रश्न गरेपछि प्रचण्ड आक्रोशित बनेको ती नेताको भनाइ छ ।
तपाईंलाई प्रधानमन्त्रीबाट भारत या अरु कसैले हटाउन खोजेको होइन, मैले हटाउन खोजेको हो, हटाउने नै हो’, प्रचण्डले बैठकमा राखेको धारणा उद्धृत गर्दै ती सदस्यले भने ।
‘स्थायी कमिटीमा मविरुद्ध बोलिएका विषय कसरी भारत पुग्यो ? किन हाम्रा हुबहु कुरा बाहिर लगिन्छ ? यो षड्यन्त्र नभए के ? भन्दै ओली आक्रोशित बनेपछि प्रचण्डले मैले हो हटाउन खोजेको भन्नुभयो,’ ती नेताले भने ।
प्रचण्डले १४ असारमा भएको एउटा सार्वजनिक कार्यक्रममा भारतविरुद्ध बोलेर राम्रोे काम नगरेको भन्दै हल्का ढंगले प्रस्तुत नहुन पनि ओलीलाई सुझाएको ती नेताले बताए ।
बैठकमा स्थायी कमिटी सदस्य अष्टलक्ष्मी शाक्य, रघुजी पन्तलगायत नेताले कुर्सीमा विभेद भएको भन्दै आक्रोश व्यक्त गरेपछि शान्त ढंगले सुरु भएको बैठकमा नेताहरूबीच भनाभन सुरु भएको ती नेताको दाबी छ ।
