विराटनगर, असार १२–मोरङको रतुवामाई नगरपालिका–५ गोबिन्दपुरकी ५५ बर्षीया माया देवी शाहको बक्राहा नदीले बगाएर मृत्यु भएको छ । बिहिवार अपरान्ह बक्राहा नदी नजिकै चौपाया चराईरहेकी शाह अचानक नदीले बताएर वेपत्ता भएकी थिइन् ।

नदीले बगाएर बेपत्ता भएकी शाहलाई प्रहरी र स्थानीयवासी समेतले खोजतलास गर्ने क्रममा शुक्रबार विहान बगाएको स्थानभन्दा ३ किलोमिटर दक्षिण नदीको डिलमा मृत अवस्थामा फेला पारेको इलाका प्रहरी कार्यालय सिजुवाले जनाएको छ।