उपत्यकामा ८ सहित आज २२ संक्रमितको मृत्यु
काठमाडौं, २५ असोज-आज देशभर २२ जना कोरोना भाइरस (कोभिड-१९) संक्रमितको मृत्यु भएको छ । आइतबार १७ पुरुष र पाँच महिला संक्रमितको मृत्यु भएको हो । मृतक ३८ देखि ९८ वर्ष उमेर समूहका छन् । आइतबार...
काठमाडाैं, १० असार-सत्तारुढ नेपाल कम्युनिस्ट पार्टी (नेकपा)को स्थायी कमिटी बैठकमा अमेरिकी सहयोग परियोजना मिलेनियम च्यालेन्ज कर्पोरेसन (एमसीसी) सहित ४ वटा एजेन्डामा छलफल हुने भएको छ ।
कोभिड–१९ उपचार, रोकथाम तथा नियन्त्रण, उपचारसहित, नेपालको सीमा समस्या र समाधान सबन्धमा, पार्टी एकताका बाँकी कार्यभारसहित एमसीसीलगायतका विषयमा छलफल हुन लागेकाे हाे ।
गत पुस १५–१९ को केन्द्रीय कमिटी बैठकले एमसीसीका बारेमा सचिवालयलाई निर्णयकाे अधिकार दिएकाले स्थायी कमिटीमा लैजान आवाश्यक नभएको भन्ने अध्यक्ष केपी शर्मा ओली र सचिवालयमा हल गर्न नसकेपछि यसबारे स्थायी कमिटीमा लैजानु पर्ने प्रचण्डको मतका कारण बिहानसम्म एजेन्डा तय हुन सकेको थिएन ।
तर, बैठक सुरू हुनुअघि अध्ययक्षद्धय ओली–प्रचण्ड र महासचिव विष्णु पौडेलको संयुक्त छलफलपछि अन्तिममा स्थायी कमिटीमा सो एजेन्डा तय भएको नेकपाका एक स्थायी कमिटी सदस्यले बताए । उनका अनुसार सरकारको काम कारबाहीको समीक्षा भने बैठकको कार्यसूचीमा राखिएको छैन ।
