बुटवल, ९ असार-सोमबार दिउँसो तानसेन नगरपालिका-११ सम्मोबारीमा गएको पहिरोमा पर्ने थप १ जनाको शव भेटिएको छ । सम्मोबारीमा गएको पहिरोमा भएको दुर्घटनाको उद्धारका क्रममा थप १ जनाको शव फेला परेको प्रदेश-५ ट्राफिक प्रहरी कार्यालय बुटवलका सूचना अधिकारी एवं प्रहरी नायव उपरीक्षक डिल्ली नारायण पाण्डेयले जानाकारी दिए । उद्धारको क्रममा अन्दाजी २० वर्षीय पुरुषको शव साढे ३ बजे भेटिएको उनले बताए ।

योसँग पहिरोमा परेर ज्यान गुमाउनको संख्या ४ पुगेको छ । २ जनाको घटनास्थलमै र १ जनाको हिजो पाल्पाको मिसन अस्पतालमा उपचारको क्रममा मृत्यु भएको थियो । पहिरोमा  ४ वटा सवारी साधन पुरिएपछि प्रहरी, स्थानीयवासी नेपाली सेना उद्धारमा खटिएका थिए ।

पहिरोमा लु १ क १९२८ ट्याङकर, लु २ ख १३७६ मिनि ट्रक, लु १ च ७०११ अल्टो कार (ट्याक्सी) लु २ त ७०४३ पिक अप जीप (कुखुरा बोक्ने) परेका हुन् । घटनास्थल पाल्पाको तानसेन बजारदेखि ५ किलोमिटर टाढा तम्घास जाने बाटोमा पर्छ ।