काठमाडौं, ७ असार-अभिनेत्री निरिशा बस्नेत कोरोनामुक्त भएकी छन् । २ सातादेखि भारतको एउटा अस्पतालमा उपचारत उनले कोरोनालाई जितेकी हुन् । अहिले उनी कोरोनामुक्त भएर घर फर्किसकेकी छन् ।

मुम्बईमा रहेकी निरिशाले स्वस्थ्यमा समस्या आएपछि कोरोना परीक्षण गराएकी थिइन् । झण्डै २ साताअगाडि गरिएको परीक्षणमा उनमा कोरोना संक्रमण देखिएको थियो ।

निरिशा आफैँले सामाजिक सञ्जाल इन्स्टाग्राममा एउटा भिडियो पोस्ट गर्दै आफूलाई कोरोना लागेको जानकारी दिएकी थिइन् । निरिशाले उपचारका क्रममा पनि एउटा भिडियोमार्फत् आफ्ना शुभचिन्तकहरूलाई संक्रमित हुँदाको अनुभव साटेकी थिइन् ।

निरिशाले चलचित्र ‘जानी नजानी’बाट नेपाली चलचित्र क्षेत्रमा डेब्यू गरेकी हुन् । भारतीय सिरियल ‘चन्द्र नन्दिनी’मा काम गरिसकेकी निरिशा अहिले बलिउड प्रवेशका लागि मुम्बईमा सङ्घर्षरत छन् ।