फेरी बढ्यो सुनचाँदीको मूल्य
काठमाडौं, २ असोज-शुक्रबार छापावाल सुनको मूल्य चार सय रुपैयाँले वृद्धि भएको छ । बिहीबार ९६ हजार ६ सय रुपैयाँ गरिएको छापावाल सुनको मूल्य आज ९७ हजार रुपैयाँ निर्धारण गरिएको नेपाल सुनचाँदी व्यवसायी महासंघले जनाएको छ...
विराटनगर, असार २–नेपाल कम्युनिष्ट पार्टी(नेकपा) मोरङका अध्यक्ष ऋषिकेश पोखरेलले पूर्वी नेपालमा रहेका स्वास्थ्य माफियाहरुको अन्त्यका लागि पनि मंगलबारेमा ट्रमा सेन्टर निर्माणका लागि नेकपा नेतृत्वको प्रदेश सरकार लागिपरेको बताएका छन् ।
नेकपा उर्लाबारी नगरकमिटीले मंगलबार आयोजना गरेको अगुवा कार्यकर्ता प्रशिक्षण कार्यक्रममा अध्यक्ष पोखरेलले यस्तो बताएका हुन् । ‘राँको बालेर, ढुंगामुढा गरेर केही हुँदैन’ उनले भने,‘मंगलबारेमा जसरी भएपनि मदन भण्डारी अस्पताल तथा ट्रमा सेन्टर बनेरै छाड्छ । ट्रमा सेन्टर निर्माण हुँदा मंगलबारेको पहिचान हराउने भन्दा झनै थपिने स्पष्ट छ ।’
उनले अस्पताल निर्माणले केही व्यक्तिले फलानो चिन्हमा भोट हाल्दा निशुल्क उपचार गरिदिन्छु भन्दै हिड्न प्रबृत्तिको समेत अन्त्य हुने भएकाले मंगलबारेमा अस्पताल तथा ट्रमा सेन्टर निर्माण भएरै छाड्ने बताए ।
अध्यक्ष पोखरेलले स्वास्थ्य व्यापारलाई निमिट्यान्न पार्न मंगलबारेमा ट्रमा सेन्टर निर्माण हुन आवश्यक रहेको बताए । नेकपा मोरङका सचिव गणेश उप्रेतीले पूर्वका नीजि अस्पतालको लुट अन्त्यका लागि मंगलबारेमा ट्रमा सेन्टर आवश्यक रहेको बताए ।
मंगलबारेमा निर्माण हुन लागेको मदन भण्डारी अस्पताल तथा ट्रमा सेन्टर सरकारी अस्पतालकै रुपमा संचालन हुने बताउँदै उनले प्रतिष्ठानको शाखा नहुने स्पष्ट पारे । कार्यक्रममा बिपि कोईराला स्वास्थ्य बिज्ञान प्रतिष्ठान धरानका डा. प्रमोद बरालले ट्रमा सेन्टरको महत्व र यसको विषयमा प्रकाश पारेका थिए । उनले मंगलबारेमा निर्माण हुने ट्रमा सेन्टर वीर अस्पतालपछि नेपालकै दोश्रो हुने बताए ।
डा. बरालले विशेषगरी दुर्घटना र चोटपटकबाट बचाउनका लागि ट्रमा सेन्टर आवश्यक हुने उल्लेख गर्दै अन्य प्रशुती, बाल, मुटुर, मृगौला ,दन्त, आँखा लगायतको रोगका विरामीले पनि सेवा पाउने बताए । कार्यक्रममा डा. मोहन खड्काले पनि ट्रमा सेन्टरको फाईदाका विषयमा प्रष्ट पारेका थिए ।
