सर्लाही, १८ जेठ-सर्लाहीमा नेपाल प्रवेश गर्न खोज्ने भारतीय नागरिकको समूहले सशस्त्र प्रहरी बलको टोलीलाई हुलहुज्जत गरी हतियारसमेत खोस्ने प्रयास गरेको छ ।

जिल्लाको विष्णु गाउँपालिका-२ पकडीस्थित दशगजा इलाका बीओपी सिमराबाट खटिएको सशस्त्र प्रहरी सहायक निरीक्षकको टोलीले नेपालतर्फ प्रवेश गर्न नदिएपछि ३०/४० जना भारतीयको समूहले सशस्त्रको टोलीलाई हुलहुज्जत गरी हतियार खोस्ने प्रयास गरेको हो ।

हतियार खोस्ने प्रयास गरेकोपछि स्थितिलाई नियन्त्रणमा लिन सशस्त्रको टोलीले एसएलआरबाट १ राउण्ड हवाई फायर गरेको छ । अहिले भीड तितरवितर भएर अवस्था सामान्य बनेको छ ।