काठमाडौं, ९ जेठ-रौतहटमा प्रहरीले गोली चलाएको छ । गए राति रौतहटको राजपुरमा प्रहरीले १२ राउण्ड गोली चलाएको हो । रौतहट प्रहरीका अनुसार रौतहट क्षेत्र नम्बर-२ का सांसद तथा पूर्वमन्त्री मोहम्मद आफताव आलमका भाइ मेहेताब आलम सहितका ३ जना पक्राउ गर्न गएको प्रहरी माथि स्थानियले अबरोध गरेपछि प्रहरीले गोली चलाएको प्रदेश-२ प्रहरी स्रोतको भनाइ छ ।

‘२०६४ मा भएको राजपुर बम विस्फोटनका अभियुक्तहरु आएको सूचनाका आधारमा प्रहरी राजपुर पुगेको थियो । पक्राउ गर्न खोज्दा स्थानीयले अवरोध गरेपछि उनीहरु भागे,’ हामीले गोली चलाउने पर्ने अवस्था आयो प्रदेश प्रहरी स्रोतले भन्यो ।

आलम माथि २७ चैत २०६४ मा राजपुरमा भएको बम विस्फोटको घटनामा संलग्न अभियोग लागेको छ । सोही घटनामा उनका दाई सांसद अफ्ताब आलम लाई २६ असोजमा पक्राउ परेका थियाे। उनीहाल पुर्पक्षको लागि नख्खु कारागारमा चलान भएका छन् ।