मस्को, जेठ ६–रुसमा मंगलबार सम्म २ लाख २० हजार ९ सय ७४ जना कोरोना भाइरस (कोडिभ–१९) का सक्रिय संक्रमित पुगेका छन् । केही दिन यता रुसमा कोरोना भाइरसको संक्रमण तीब्र गतिमा फैलँदै गएको छ ।

पछिल्लो २४ घण्टाको अवधिमा मात्र रुसमा ९ हजार २ सय ६३ जना नयाँ संक्रमित थपिएका छन् । वल्र्डोमिटरको तथ्यांक अनुसार मंगलबार सम्म रुसमा कुल संक्रमितको संख्या २ लाख ९९ हजार ९ सय ४१ पुगेको छ ।

जस मध्ये ७६ हजार १ सय ३० जना पूर्णरुपमा निको भएर घर फर्किएका छन् भने २ हजार ८ सय ३७ जनाको मृत्यु भएको छ । २४ घण्टाको अवधिमा मात्र रुसमा १ सय १५ जनाले कोरोना भाइरस संक्रमणका कारण ज्यान गुमाएका छन् ।

२ हजार ३ सय जनाको अवस्था चिन्ताजनक रहेको छ । रुसमा बसोबास गर्ने कुनै पनि नेपालीमा हालसम्म संक्रमण नदेखिएको र सवै नेपाली सुरक्षीत रहेको जनाइएको छ ।