जनकपुर, जेठ ५-कोरोनाको संकटबाट गुज्रिरहेको प्रदेश २ का जनतालाई मुख्यन्त्री लालबाबु राउतले आइतबार सम्बोधन गरेका छन् । कोरोना महामारीकाबीच १ सातादेखि जनता समाजवादी पार्टीको आन्तरिक कार्यक्रममा व्यस्त रहेका मुख्यमन्त्री राउतले काठमाडौंबाट प्रदेश फर्किएलगत्तै आइतबार प्रदेशवासीलाई सम्बोधन गरेका हुन् ।

केही दिनदेखि मुख्यमन्त्री हराए भनेर समाजिक सञ्जालमा चर्चाको विषय बनेको थियो । भाषण होइन कोरोनाविरुद्ध विशेष अभियान चाहियो विभिन्न क्षेत्रका व्यक्तिहरू बोलीरहँदा फेरी पुरानै कुरो दोह्राएका छन् ।

प्रदेशवासीलाई सम्बोधन गर्नुअघि उनले गृहनगर वीरगञ्जको क्वारेन्टाइन अनुमगन गरेका थिए । सम्बोधनका क्रममा राउतले संघीयता आफूहरूकै कारणले आएको जिकिर गरे । सम्बोधनका क्रममा उनले प्रदेश २ मा तत्काल ५० वटा भेन्टिलेटर सहितको सेवा सुरू हुने जानकारी गराए ।

प्रादेशिक अस्पताल जनकपुरधाम र नारायणी अस्पताल विरगंजमा १०/१० तथा अन्य जिल्ला अस्पतालहरूमा ५/५ गरी ५० थान भेन्टिलेटरको जडान, प्रत्येक जिल्लामा १/१ थान एम्बुलेन्स तथा शव बाहन उपलब्ध गराउने प्रकिया समेत अगाडि बढेको जनाएका छन ।