काठमाडौं, जेठ ४-सरकारले भारतसँग अन्य देशबाट कोरोना भाइरसका कारण समस्यामा परेका नेपाली नागरिकको उद्धार गर्ने भएको छ । विदेशमा रहेका नेपाली नागरिक उद्धार गर्ने विषयमा कोभिड- १९ सम्बन्धी उच्चस्तरीय समन्वय समितिको आइतबारको बैठकमा छलफल भएको छ ।

प्रधानमन्त्री केपी शर्मा ओली सहमत भए आवश्यक तयारी गरेर आफ्ना नागरिकको उद्धार गर्ने समितिले निष्कर्ष निकालेको हो । यसरी उद्धार गरेर ल्याउने नेपालीलाई काठमाडौं, पोखरा र होटलमा क्वारेन्टाइन बनाएर राखिने समितिले जनाएको छ । विदेशबाट फर्किन चाहने नेपाली नागरिकले क्वारेन्टाइनमा बस्ने खर्च आफैँले व्यहोर्नुपर्ने समितिमा छलफल भएको छ ।

परराष्ट्र मन्त्रालयले ५ लाख नेपालीको तत्काल उद्धार गर्नुपर्ने बताएको थियो । केही दिनको क्वारेन्टाइनपछि परीक्षण गरेर सम्बन्धित स्थानीय तहमा पठाइनेछ । स्थानीय तहमा केही दिन क्वारेन्टाइनमा बसेपछि पुनः परीक्षण गरेर मात्र घर जान दिइनेछ । विदेशबाट ल्याइने नागरिकलाई हवाई र स्थलमार्ग हुँदैै ल्याउने विषयमा छलफल गर्ने समितिले जनाएको छ ।