सर्वदलीय बैठकमा संविधान संशोधनका विषयमा छलफल  - News Birat

सर्वदलीय बैठकमा संविधान संशोधनका विषयमा छलफल 

न्यूज विराट

काठमाडौं, १३ जेठ-आज बसेको सर्वदलीय बैठकमा संविधान संशोधनका विषयमा छलफल भएको छ । प्रधानमन्त्री  सरकारी निवास बालुवाटारमा आज साँझ ५ बजेपछि बसेको सर्वदलीय बैठकमा संविधान संशोधनको बारेमा छलफल भएको हो ।

आजको बैठकमा प्रधानमन्त्री केपी शर्मा ओलीले सुरूमै नयाँ नक्सा जारीपछि संविधान संसोधनका बारेमा र सरकारको तयारीबारे जानकारी गराएका थिए ।

संविधान संशोधनको प्रस्ताव ९ जेठमा संसदमा दर्ता भएको छ । सोही अनुरूप निशान छापभित्र रहेको नेपालको नक्सा सीमा अनुरूप मिलाउन सरकारले संविधान संशोधनको तयारी गरेको छ ।

संविधान संशोधन गर्नको लागि आम सहमति जुटाउन प्रधानमन्त्रीले सर्वदलीय बैठक बोलाएका थिए । संविधान संशोधन प्रस्ताव संविधानको अनुसूची ३ मा रहेको निशान छापभित्रको नक्सा परिवर्तनका निम्ति मात्र संसदमा दर्ता भएको हो।

संसदमा प्रतिनिधित्व गर्ने दलहरूको बैठक बसेको थियो परराष्ट्रमन्त्री प्रदीप ज्ञवालीले भने, ‘प्रधानमन्त्रीको संविधान संशोधनको प्रस्तावमा नेपाली कांग्रेसले केन्द्रीय समितिको बैठकबाट निर्णय गर्नुपर्छ भन्ने कुरा आएको छ, हामी कांग्रेस केन्द्रीय समितिको निर्णयको पर्खाइमा छौं ।’

७ जेठमा भूमिव्यवस्था, सहकारी तथा गरीबी निवारण मन्त्रालयले लिम्पियाधुरासहित गुञ्जी, नाभी, कुटीलगायत भूभाग समेटिएको नेपालको नक्सा राजनीतिक तथा प्रशासनिक सार्वजनिक गरिसकेको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles