विराटनगर, जेठ १–रिकभरिंग नेपालले प्रदेश १ का लागू औषध पुनर्स्थापना केन्द्रलाइ खाद्यान्न वितरण गरेको छ । कोरोेना भाइरस संक्रमणका कारण जारी लकडाउनले आर्थिक संकटमा परेका झापा ,मोरंग र सुनसरीमा सञ्चालित २२ वटा पुनर्स्थापना केन्द्रलाइ खाद्यान्न लगायतका सामाग्री प्रदान गरिएको रिकभरिंग नेपालका केन्द्रिय उपाध्यक्ष दीपक चापागाईले जानकारी दिए ।

ती पुनर्स्थापना केन्द्रमा एक हजार भन्दा बढी व्यक्तिहरु रहेको बताइएको छ । ती संस्थालाइ ३ हजार ६ सय केजी चामल ६ सय केजी दाल, ६ सय केजी हरियो मटर , ३ सय लिटर खाने तेल, नुन र साबुन उपलब्ध गराइएको छ ।