काठमाडाैं, ३० वैशाख-संसद सचिवालयले काठमाडौंमा कोरोना परीक्षण गरेका सांसदहरूलाई उपत्यकाका बाहिर नजान आग्रह गरेको छ । मंगलबार सूचना जारी गरी संसद सचिवालयले संघीय संसदअन्तर्गत प्रतिनिधिसभा र प्रदेशसभाका सांसदहरूलाई काठमाडौं बाहिर नजान आग्रह गरेको हो । काेराेना भाइरसकाे जाेखिमलाई मध्यनजर गरी सांसदहरूलाई काठमाडाैं नछाड्न आग्रह गरिएकाे सचिवालयले जनाएकाे छ ।

२५ वैशाखमा ४ सय ४० र २६ वैशाखमा २ सय ६८ गरी ७ सय ८ जना सांसद र संघीय संसदका कर्मचारीको पीसीआर  विधिबाट परीक्षण गरिएको थियो । उनीहरू सबैको रिपोर्ट नेगेटिभ आएको थियो ।