काठमाडौं, २२ वैशाख-२५ वैशाखपछि जारी लकडाउनलाई निरन्तरता दिने कि नदिने भन्ने विषयमा सरकार अन्योलमा परेको छ ।लकडाउनबारे सुझाव दिन बसेको कोरोना रोकथाम उच्चस्तरीय समितिको बैठकमा २५ वैशाखपछि के गर्ने भन्ने विषयमा सहमति हुन सकेन ।

बैठकमा लकडाउनका विकल्पमा छलफल भए पनि नेपालमा कोरोना संक्रमितको संख्या दिनदिनै बढ्न थालेपछि के गर्ने भन्ने विषयमा समिति निष्कर्षमा पुग्न नसकेको हो ।

बैठकले प्रदेश र स्थानीय तहमा संक्रमणको अवस्थाबारे विस्तृत अध्ययन गरेर भोलि बस्ने बैठकबाट २५ गतेपछि के गर्ने भन्ने विषयमा मन्त्रिपरिषदमा सुझाव पेस गर्ने बताएको छ ।