काठमाडौं, २२ वैशाख-स्वास्थ्य तथा जनसंख्या मन्त्रालयले डीस्इन्फेक्ट छर्दैमा कोरोना भाइरस नाश नुहने बताएको छ ।मन्त्रालयको नियमित पत्रकार सम्मेलनमा प्रवक्ता डा. विकास देवकोटाले शरीरमा कीटनाशक झोल छर्किँदैनमा कोरोनाको संक्रमण नरोकिने बताएका हुन् । विभिन्न ठाउँमा डिस्इन्फेक्सन फर्केको तस्वीरहरू प्रसार भइरहेको जानकारी दिँदै उनले यस्तो नगर्न आग्रहसमेत गरे । उनले यस्तो गर्दा आँखा, नाक, मुख गम्भीर समस्या निम्तिने चेतावनीसमेत दिए ।

‘मानिसमा यसरी छरिने झोल प्रायः पानीमा मिसाइएको सोडिएम हाइपो क्लोराइड, ब्लिज र क्लोरिनको झोल हो । शरीरभित्र कोरोना भाइरस प्रवेश गरिसकेपछि अल्कोहल, कीटनाशक ब्लिज, क्लोरिन जस्ता डिस्इन्फेक छर्दा वा लगाउँदा यो भाइरस नाश हुँदैन’ उनले भने ‘यो भाइरसको वृद्धि हाम्रो शरीरमा रहेको कोषभित्र भइरहेको हुन्छ । त्यसै शरीरमा यस्ता झोल छर्किनु हानिकार छ । यस्ता झोलहरू हाम्रा आँखा मुख नाक आदिमा धेरै हानी पुर्‍याउँछन् ।’

उनले कीटनाशक भूईमा छर्किन सकिने तर मानिसको शरीरमा छर्किँदा फाइदा नहुने बताए । उनले कोरोना भाइरसबाट बच्नका लागि २० सेकेन्ड साबुन पानीले हात धुने सामाजिक दूरी कामय गर्नु नै उपयुक्त हुने बताए ।