काठमाडौं, १५ वैशाख-नेपाल विद्यार्थी संघका पूर्वमहामन्त्री कुन्दनराज काफ्लेले आफ्नो विवाह खर्चबापतको रकम ‘कोभिड-१९ प्रधानमन्त्री राहत कोष’मा जम्मा गरेका छन् ।

सोमबार स्वास्थ्य मन्त्रालय पुगेर पूर्वमहामन्त्री काफ्लेले आफ्नो विवाह खर्च कटाएर ‘कोभिड- १९ प्रधानमन्त्री राहत कोष’मा रकम जम्मा गरेका हुन् । पूर्वमहामन्त्री काफ्लेले कोषमा २ लाख रुपैयाँ जम्मा गरेका हुन् ।

विवाह बन्धनमा बाँधिएपछि विवाह खर्चबाट केही रकम राहत कोषमा जम्मा गरिएको उनले बताए । सोमबार स्वास्थ्य मन्त्रालय पुगेर रकम स्वासथ्य तथा जनसंख्यामन्त्री भानुभक्त ढकाललाई हस्तान्तरण गरिएको उनले बताए ।

विश्वमहामारीका रूपमा फैलिएको कोरोना भाइरस (कोभिड- १९)को प्रभाव नेपालमा पनि छ । प्रधानमन्त्री केपी शर्मा ओलीलगायत विभिन्न दलका सांसदले राहत कोषमा रकम जम्मा गरेका छन् । निजी क्षेत्रका व्यवसायी र अन्य नागरिकले पनि व्यक्तिगतरूपमा कोषमा सहयोग रकम जम्मा गरेका छन् ।