काठमाडौं, १३ वैशाख-विश्वभर महामारीका रूपमा फैलिएको कोरोना भाइरसलाई न्यूनीकरण गर्नका लागि सरकारले लागू गरेको लकडाउनका बेला बढी मूल्य लिएर सामान बेचेको गुनासो बढेपछि वाणिज्य आपूर्ति तथा उपभोक्ता संरक्षण विभागले अनुगमनलाई तीव्रता दिएको छ । अनुगमनका क्रममा बढी मूल्यमा सामान बेचेको पाइए व्यापारी तथा विक्रेतालाई ठाउँको ठाउँ जरिमाना गर्ने गरेको छ ।

यसैबीच शनिबार दुईवटा विक्रेतालाई जरिवाना गरेको विभागले जनाएको छ । विभागका अनुसार सातदोबाटोमा रहेको प्रतिभा फार्मेसीले मास्क बढी मूल्य लिइ बिक्री गरेको पाइएपछि २ लाख जरिमाना गरिएको छ । उपभोक्ता संरक्षण ऐनबमोजिम २ लाख जरिमाना गरिएको विभागले जनाएको हो ।

त्यसैगरी, डिल्ली बजारमा हरेको राजु फ्रेस हाउसलाई पनि जरिमाना गरिएको छ । अनुगमनका क्रममा मूल्य सूची नराखी जथाभावी मासुको बिक्रि गरेको पाइएकाले जरिमाना गरिएको विभागले जनाएको छ । विभागले शुक्रबार ६ वटा फममा अनुगमन ७ सात लाख जरिमाना असुल उपर गरेको थियो ।