नेपाल कपडा तथा सिलाइ व्यवसायी महासंघले काठमाडौंको बागबजार लगायतका स्थानमा रहेका २१ घरपरिवार सिलाइकर्मी मजदुरलाई खाद्यान्न राहत सामग्री वितरण गरेको छ ।

कोरोना भाइरस (कोभिड-१९)को महामारीको कारण निरन्तर लकडाउन हुँदै आएपछि ज्यालादारी मजदुर तथा श्रमिक वर्गको अवस्था अत्यन्तै नाजुक भइरहेको स्थितिलाई मध्यनजर गर्दै राहत वितरण गरिएको संघले जनाएको छ । प्रत्येक परिवारलाई १ बोरा चामल, १ लिटर तेल, १ किलो दाल, १ प्याकेट नून वितरण गरिएको संघले जनाएको छ ।