काठमाडौं महानगरका प्रमुख विद्यासुन्दर शाक्यले भौगोलिक क्षेत्रभित्र रहेका प्रमुख मस्जिदको अनुगमन गरेका छन् । पछिल्लो समय संक्रमणको उच्च जोखिममा मस्जित रहेको जनाउँदै प्रमुख शाक्यले काठमाडौंभित्रका मस्जिदको अनुगमन गरेका हुन् ।

मुस्लिम आयोगका अध्यक्ष समीममियाँ अन्सारी, राष्ट्रिय मानव अधिकार आयोगका सदस्य मोहना अन्सारी, सांसद चाँद तारा, प्रहरी नायब महानिरीक्षक विश्वराज पोखरेल, पूर्वराज्यमन्त्री जाकिर हुसेनसहितको अनुगमन टोलिले मंगलबार अनुगमन गरेका हो ।

टोलीले घण्टाघरस्थित नेपाली जामे मस्जिद, पञ्च काश्मिरी तकिया र सुन्धारामा रहेको नेपाली मदिनी मुस्लिम तथा मुस्लिम मासाफिरखानामा अनुगमन गरेको हो ।

अनुगमनका क्रममा मेयर शाक्यले कोरोना नियन्त्रण गर्न सबै धार्मिक अगुवाको महत्वपूर्ण भूमिका रहने बताउँदै धार्मिकस्थलको नियमित पूजा विधि गर्न तर जनसाधारणलाई धार्मिक स्थलमा नआउन आग्रह गरेका छन् । भाइरस सर्ने डरले व्यक्तिसँग व्यक्ति डराउनु पर्ने अहिलेको अवस्थामा कतै जानु परे स्थानीय प्रशासनलाई खबर गरेर मात्र जान आग्रह गरेका छन् ।