सोमबार बसेको मन्त्रिपरिषद्को बैठकले राजनीतिक दलसम्बन्धी कानुन संशोधन गर्ने अध्यादेश ल्याउने निर्णय गरेको छ । बैठकमा प्रधानमन्त्री ओलीले ल्याएको अध्यादेशको प्रस्तावप्रति परराष्ट्रमन्त्री प्रदीप ज्ञवालीले विरोध गरेका थिए ।

बालुवाटारमा बसेको मन्त्रिपरिषद्को बैठकमा प्रधानमन्त्री केपी शर्मा ओलीले दलसम्बन्धी कानुन संशोधन अध्यादेशमा ओलीनिकट मानिने मन्त्री ज्ञवालीले पनि विरोध जनाएको एक नेताले जानकारी दिए ।

ओलीनिकटकै नेताले विरोध जनाएपछि ओली आश्चर्यमा परेको ती नेताले बताए । ती नेताले भने, ‘पूर्वमाओवादी र माधवकुमार नेपालनिकट मन्त्रीले अध्यादेशको विरोध गर्नु त स्वाभाविक थियो तर ओलीनिकट मन्त्री प्रदीप ज्ञवालीले पनि विरोध गरेपछि ओली आश्चर्यमा परेका थिए ।’