काठमाडौं, ५ वैशाख-सरकारले कोरोना भाइरसको नमुना परीक्षणको दायरा बढाएको जनाएको छ । दायरा बढाउँदै २४ घण्टाको अवधिमै ४ हजार ८ सय २२ वटा जनाको परीक्षण गरिएको जनाएको छ ।

स्वास्थ्य तथा जनसंख्या मन्त्रालयका प्रवक्ता विकास देवकोटाका अनुसार पिसिआर विधिबाट हालसम्म ७ हजार ६ सय ८८ नमुना परीक्षण गरिएको छ । त्यस्तै, र्‍यापिड डाइग्नोस्टिक टेस्ट (आरडीटी) १६ हजार ५ सय ६५ जना गरिएको छ । हालसम्म कोरोना भाइरसको आशंकमा कूल २४ हजार २ सय ५३ परीक्षण गरिएको उनले बताए ।

उनले २४ घण्टाको अवधिमा गरिएका परीक्षणमा कसैलाई पनि कोरोना भाइरसको रिपोर्ट पोजेटिभ नेखिएको बताए । उनका अनुसार हाल नेपालमा कोरोना भाइरस संक्रमित १६ जना रहेका छन् । उनीहरू मध्य १ जना निको भएर घर फर्किएका छन् भने अन्य १५ जनाको विभिन्न अस्पतालमा उपचार भइरहेको छ । उनीहरू सबैको स्वास्थ्य अवस्था सामान्य रहेको मन्त्रालयले जनाएको छ ।