काठमाडौं, ५ वैशाख-सत्तारूढ दल नेपाल कम्युनिष्ट पार्टी (नेकपा)का प्रवक्ता एवं राष्ट्रियसभा सदस्य नारायाणकाजी श्रेष्ठले राज्यसत्तालाई सबै थोक ठान्नु अपराध हुने बताएका छन् ।

माओको विचारलाई उद्धृत गर्दै उनले सत्ता देश र जनताको सेवाको साधान रहेको बताएका हुन् । उनले सत्ता देश र जनताको सेवाको साधान हो भन्ने आत्मसात नगर्नेहरू राजनीतिक ठग हुन भनेका छन् ।

उनले सामाजिक संचाल ट्वीटरमा भनेका छन्, ‘राज्यसत्ताबाहेक सबैथोक भ्रम हो भन्ने विचार माओले यो विना समान्य सुधार सम्भव भए पनि गुणात्मक परिवर्तन सम्भव छैन भन्ने कुराप्रति जोड दिन प्रकट गर्नुभएको हो । तर राज्यसत्तालाई नै सबैथोक ठान्नु अपराध हो । सत्ता त देश र जनताको सेवाको साधन मात्र हो । यो कुरा आत्मसात नगर्नेहरू राजनीतिक ठग हुन् ।’

उनले उसअघि ट्विटमा सरकारलाई घरभाडा र खानाको समस्यामा परेकाहरूको समस्या समाधान तु गर्न आग्रह गरेका छन् । उनले समस्या परेको व्यक्तिको घरमा रहेको परिवारसमेत उसको आम्दानीबाट मात्र बाँच्न सक्ने स्थिति हो भने त्यसको पनि हल गर्न आग्रह गरेका छन् ।