एजेन्सी, बैशाख २-अमेरिकी राष्ट्रपति डोनाल्ड ट्रम्पले कोरोना भाइरस संक्रमितको संख्यामा कमी आउन थालेको दाबी गरेका छन् । अमेरिकामा कोरोना भाइरसबाट दैनिक २५ हजारदेखि ३० हजारसम्म संक्रमित भइरहेका बेला ट्रम्पले संक्रमितको संख्यामा कमी आउन थालेको दाबी गरेका हुन् ।

उनले भने, ‘न्युयोर्क, न्युजर्सी, मिसिगन र लुसियानाजस्ता हटस्पट्समामा अस्पताल भर्ना गर्ने प्रक्रियामा कमी आउन थालेको छ । अमेरिकीले गाइडलाइन्सलाई पालना गरेका छन् । तपाई तथ्यांकमा हेर्न सक्नुहुन्छ, पहिले एक लाखभन्दा बढी मृत्यु हुनसक्ने बताइदै आएको थियो । अब त्यो संख्यामा कमी हुनेछ । यसको ठोस सबुत भनेको हाम्रो आक्रामक नीतिले काम गरिरहेको छ ।’

सो नियमित पत्रकार सम्मेलनमा उनी कोरोना भाइरस संक्रमणबारे ‘मिडिया कभरेज’ लाई लिएर ट्रम्प बेखुस देखिएका छन् । सो क्रममा उनले एउटा भिडियो नै देखाएर ‘फेक न्युज’ भएको बताएका थिए । उनले आफूले आलोचनाबारे केही नबताएपनि आलोचना गर्ने गलत भएमा बताउन जरुरी रहेको उल्लेख गरे ।