सर्वोच्चको गेटमा प्रहरी र कानुन व्यवसायीबीच घम्साघम्सी - News Birat

सर्वोच्चको गेटमा प्रहरी र कानुन व्यवसायीबीच घम्साघम्सी

न्यूज विराट

काठमाडौं, ३ मंसिर । प्रधानन्यायाधीश चोलेन्द्र शमशेर जबराको राजीनामा माग्दै आन्दोलनमा उत्रिएका कानुन व्यवसायीमाथि प्रहरीले हातपात गरेको छ ।

शुक्रबार सर्वोच्च अदालतको मूल गेटमा धर्नामा बसेका कानुन व्यवसायीमाथि प्रहरीले हातपात गरेको हो । प्रहरीसँगको घम्साघम्सीमा अधिवक्ता लक्ष्मी पोखरेल घाइते भएका छन् । नेपाल बार एसोसिएसनकी उपाध्यक्ष रक्षा बस्यालका अनुसार प्रहरीले अधिवक्ता पोखरेललाई संवेदनशील अंगमा बुट प्रहार गरेको छ ।

प्रधानन्यायाधीश जबराको राजीनामा माग्दै सर्वोच्चको मूल गेट अगाडि धर्नामा बस्दै आएका कानुन व्यवसायीमाथि प्रहरीले दमन गर्दै आएको छ । यसअघि बिहीबार पनि प्रहरीसँगको घम्साघम्सीमा बार अध्यक्ष चण्डेश्वर श्रेष्ठसहित ६ जना कानुन व्यवसायी घाइते भएका थिए ।

बार एसोसिएसनले प्रधानन्यायाधीश जबराले राजीनामा नदिएसम्म आन्दोलन नरोकिने बताएको छ ।

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles