अर्थमन्त्री डा. युवराज खतिवडाको संयोजकत्वमा रहेको गभर्नर छनोट समितिले ३ जनाको नाम छनोट गरेको छ । गभर्नरको अवकाश भएको १९ दिनपछि छनोट समितिले ३ जनाको नाम टुंग्याएको हो ।

अर्थमन्त्री खतिवडासहित पूर्वअर्थसचिव कृष्णहरी बाँस्कोटा र पूर्वगभर्नर विजयनाथ भट्टराई सदस्य रहेको समतिले आगामी गभर्नरका लागि राष्ट्र बैंकका डेपुटी गभर्नर चिन्तामणि शिवाकोटी, पूर्वअर्थसचिव डा. राजन खनाल र पूर्व डेपुटी गभर्नर एवं लगानी वोर्डका प्रमुख कार्यकारी अधिकृत महाप्रसाद अधिकारीलको नाम सिफारिस गरेको समितिका एक सदस्यले बताए ।

यी तीनमध्ये एक जनालाई मन्त्रिपरिषद् बैठकले गभर्नर बनाउने छ। स्रोतका अनुसार सरकारले अधिकारीलाई गभर्नर बनाउने सम्भावना बलियो छ । उनी प्रधानमन्त्री केपी शर्माका विश्वासिला पात्र मानिन्छन् । अर्थमन्त्री खतिवडाले भने पूर्वसचिव खनाललाई गभर्नर बनाउन चाहेको बताइएको छ ।