भोलीदेखि धरानमा कोरोना भाइरस परिक्षण सुरु हुँदै - News Birat

भोलीदेखि धरानमा कोरोना भाइरस परिक्षण सुरु हुँदै

न्यूज विराट

विराटनगर, चैत १५–आइतबारदेखि धरानमा रहेको वीपी कोइराला स्वास्थ्य विज्ञान प्रतिष्ठानबाट पनि कोरोनाभाइरस(कोभिड–१९) को परीक्षण सुरू हुने भएको छ । परीक्षणका लागि सबै तयारी पूरा भइसकेको प्रतिष्ठानका इन्टरनल मेडिसिन विभाग प्रमुख डा. संजिवकुमार शर्माले बताए।

विभिन्न कार्यक्रमका लागि आएको योजना र नेपाल सरकारले गरेको सहयोगमा ल्याबको स्थापना गरिएको हो । सुरूवाती दिनमा दैनिक १२ जनाको स्वाब परिक्षण गर्न सकिने गरी ल्याब तयार भएको माइक्रोबायोलोजी विभागका सह–प्राध्यापक नारायण भट्टराईले जानकारी दिए ।

ल्याबका लागि तत्काल आवश्यक पर्ने जनशक्ति आफूहरूसँग रहेको सह–प्राध्यापक भट्टराईले बताए । तत्कालका लागि आवश्यक पर्ने किटहरू रहेको उनको भनाइ थियो । उनका अनुसार अहिले ७ जनलाई आइसोलेसनमा राखिएको छ ।

केही स्याम्पलहरू परीक्षणका लागि काठमाडौं ल्याइएको छ । समुदायमै गएर कोरोना भाइरसको परीक्षण गर्न स्रोत साधनले नपुग्ने भएकाले लकडाउनको पालना गर्न र ‘सोसल डिस्टेन्स मेन्टेन’ गर्न समेत उनले सुझाव दिएका छन् ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles