जनता कर्फ्यूका कारण नेपाल-भारतबीच आयात–निर्यात ठप्प

 न्यूज विराट
जनता कर्फ्यूका कारण नेपाल-भारतबीच आयात–निर्यात ठप्प

विराटनगर, ९ चैत-भारतमा आइतबार जनता कर्फ्यू लगाइएका कारण जोगबनी नाका ठप्प बनेको छ । विश्वभर महामारीको रूपमा फैलिएको कोरोना भाइरसको सङ्क्रमण थप फैलिन नदिनका लागि भन्दै भारतमा आइतबार कर्फ्यू लगाइएपछि जोगबनी नाका भएर हुने आयात–निर्यात ठप्प भएको हो ।

भारतमा लगाइएको जनता कर्फ्यूका कारण विराटनगर भन्सार नाका भएर हुने आयात–निर्यात दिनभर ठप्प रहेको भन्सार कार्यालयका सूचना अधिकारी गोपीकृष्ण उप्रेतीले जानकारी दिए ।

‘आज आयात–निर्यात ठप्प छ । भारत हुँदै हिजोसम्म आयात भएका वस्तुहरू पास गरिरहेका छौँ’, उनले भने, ‘अरू सबै सुनसान छ ।’ जनता कर्फ्यूमा सबै जनता आफ्नै घरभित्र बस्ने र बाहिर ननिस्कने व्यवस्था गरिएको छ । जनता कर्फ्यूका कारण भारतमा आइतबार आवश्यक सामग्री बेच्नेबाहेक सबै पसल, यातायातका साधनलगायत बन्द भएका छन् भने बजार सुनसान रहेका छन् । भारतका कतिपय स्थानमा यसअघि नै लामो समयका लागि बन्द घोषणा गरिएको छ ।

जनता कर्फ्यूका कारण दिनभर जोगबनी क्षेत्र सुनसान छ । सो क्षेत्र भएर कुनै पनि सवारी साधन चलेका छैनन् । नेपाल र भारततर्फ दुवै देशका सुरक्षाकर्मीहरूले कसैलाई पनि आहोरदोहोर गर्न दिएका छैनन् । प्रायः दिनहुँ अत्यधिक भीडभाड हुने जोगबनी बजार पूर्ण रूपले बन्द रहेको छ ।

सीमामा उच्च सतर्कता

मानिसको ओहोरदोहोर बन्द भए पनि जोगबनी नाकामा उच्च सतर्कता अपनाइएको पाइएको छ । सीमामा राखिएको हेल्थ डेस्कमा विशेषज्ञसहितको टोली परीक्षणमा तैनाथ रहेको छ । सीमामा नेपालतर्फ आउन र भारततर्फ जान पूर्ण रूपमा रोक लगाइएको छ ।

दुवैतर्फ प्रभावित

भारतीय प्रधानमन्त्री नरेन्द्र मोदीको आह्वानमा लगाइएको जनता कर्फ्यू १४ घण्टाका लागि मात्र भएको भएको अधिकारीहरूले जनाएका छन् । भारतमा लगाइएको जनता कर्फ्यूका कारण भारतीय र नेपालीसमेत प्रभावित बनेका छन् ।

स्थानीय समयअनुसार बिहान ७ बजेदेखि बेलुका ९ बजेसम्म कर्फ्यू लागू हुने जनाइएको छ । सामाजिक सञ्जाल ट्वीटरमा प्रधामन्त्री मोदीले जनता कर्फ्यूलाई पालना गर्न र कोरोनाविरुद्धको लडाइँमा एकजुट हुन आह्वान गरेका छन् । जनता कर्फ्यूबाट कोरोना भाइरसविरुद्ध लड्ने भारतीय क्षमता परीक्षण हुने भारत सरकारले विश्वास लिएको जनाइएको छ ।

सम्बन्धित समाचार

मेरिल्याण्ड कलेजकी छात्रा दिया अग्रवाल नेपाल प्रथम

विराटनगर । विराटनगरस्थित मेरिल्याण्ड कलेजकी छात्रा दिया अग्रवाल नेपाल प्रथम भएकी छिन् । राष्ट्रिय परीक्षा बोर्डद्वारा गत ज्येष्ठ महिनामा लिएको कक्षा – १२को बोर्ड परीक्षाको शुक्रवार प्रकाशित नतिजामा विराटनगर – ७ स्थित मेरिल्याण्ड कलेजकी छात्रा...

प्रचण्डविरुद्ध अवहेलना मुद्दा दर्ता, भोलिको लागि पेसी तोकियो

काठमाडौं, माघ १९। नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डविरुद्ध अदालतको अवहेलना मुद्दा दर्ता भएको छ । अधिवक्ता समिर बलामीले न्यायाधीशहरुले जनभावना अनुसार फैसला नगरे जनताको अदालतबाट फैसला गर्ने अभिव्यक्ति दिएको भन्दै अवहेलनाको मुद्दा...

दोस्रो मिल्स भेट्रान्स गोल्डकपको उपाधि ग्रामथानलाई

विराटनगर । दोस्रो मिल्स भेट्रान्स गोल्डकप फुटबल प्रतियोगिताको उपाधि मोरङको ग्रामथान भेट्रान्सले जितेको छ । विराटनगर जुट मिलको खेलमैदानमा शनिबार सम्पन्न भएको फाइनलमा हाम्रो धरान भेट्रान्स क्लबलाई १–० गोलले हराउँदै ग्रामथान भेट्रान्सले उपाधि जितेको हो...

रंगेलीमा न्यायीक समिति र मेलमिलाप संयोकजहरुलाई क्षमता अभिबृद्धि तालिम

विराटनगर, २२ माघ । मोरङको रंगेलीमा रंगेलीमा न्यायीक समिति र मेलमिलाप संयोकजहरुलाई क्षमता अभिबृति तालिम सम्पन्न भएको छ । रंगेली नगरपालिकाको आयोजनामा सञ्चालित न्यायीक समितिका पदाधिकारी र मेलमिलाप केन्दका संयोजकहरुको दुई दिने क्षमता अभिबृद्धि तालिम...

नीति तथा कार्यक्रमका लागि सुझाव संकलन

सुर्खेत, २६ वैशाख-आर्थिक वर्ष २०७७/०७८ को वार्षिक नीति तथा कार्यक्रमका लागि कर्णाली प्रदेश सरकारले साताव्यापी सुझाव संकलन कार्यक्रम सम्पन्न गरेको छ । सरकारले नीति तथा कार्यक्रममा लागि सबै समुदायको सहभागिता होस् भनेर सुझाव संकलनकाे थालनी...

बुधबार एकै दिन ५८६ जनामा कोरोना संक्रमण, संक्रमितको संख्या ७ हजार नाघ्यो

काठमाडौं, ३ असार-बुधबार नेपालमा अहिलेसम्मकै धेरै कोरोना भाइरस संक्रमित भेटिएका छन् । स्वास्थ्य मन्त्रालयका अनुसार बुधबार एकै दिन ५८६ जनामा कोरोना भाइरस संक्रमण देखिएको हो । स्वास्थ्य मन्त्रालयको नियमित पत्रकार सम्मेलनमा प्रवक्ता डा. जागेश्वर गौतमले...

श्रीकृष्ण जन्माष्टमी मनाइँदै, यस्ताे छ धार्मिक महत्व

वैदिक सनातन धर्मावलम्बीले ‘श्रीकृष्ण जन्माष्टमी’ पर्व आज (साेमबार) देशभर भगवान् श्रीकृष्णको पूजा–आराधना गरी श्रद्धा–भक्तिपूर्वक मनाउँदै छन् । ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई ‘श्रीकृष्ण जन्माष्टमी’ र रातलाई...

सरकारलाई सर्वोच्चको आदेश- निषेधाज्ञाभर कर नबुझाए पनि जरिवाना नलिनू

सर्वोच्च अदालतले निषेधाज्ञा लागू भएको समयावधिसम्म मूल्य अभिवृद्धि कर विवरण र कर दाखिला नगरे जरिवाना नतिराउन अन्तरिम आदेश दिएको छ । बुधबार न्यायाधीश मीरा खड्काको एकल इजलासले निषेधाज्ञा खुलेपछि बाटोको म्यादबाहेक ३० दिनभित्र विवरण र...

संचालक तथा सम्पादक:

अविनाशकुमार निधि

सम्पादक:

पुनम कुमारी कर्ण

सल्लाकार / सम्पादक:

ध्रुव घिमिरे

हामीलाई पछ्याउनुहोस्