आत्महत्या दुरुत्साहन मुद्दामा उत्तम सञ्जेलले पाए सफाइ - News Birat

आत्महत्या दुरुत्साहन मुद्दामा उत्तम सञ्जेलले पाए सफाइ

न्यूज विराट

काठमाडौं, फागुन २२–समता स्कुल र समता अस्पतालका सञ्चालक उत्तम सञ्जेललाई अदालतले आत्महत्या दुरुत्साहन मुद्दामा सफाइ दिएको छ । काठमाडौं जिल्ला अदालतका न्यायाधीश कमलप्रसाद पोखरेलको एकल इजलासले अभियोगको दाबी नपुग्ने ठहर गर्दै सफाइ दिएको हो ।

समता अस्पताल रामेछापको दोरम्बाकी २७ वर्षीया बिमला लामाङले आत्महत्या गरेपछि सञ्जेल दम्पतीविरुद्ध आत्महत्या दुरुत्साहनको मुद्दा लगाइएको थियो । तामाङले आत्महत्या गरेपछि उनका आफन्तहरूले समता अस्पतालमा तोडफोड गरेका थिए । सञ्जेल समता स्कुलका सञ्चालक हुन् । समता स्कुलले नेपालभरका ६५ वटा विद्यालयमार्फत मासिक १ सय रुपैयाँ शुल्कमा शिक्षा दिँदै आएको छ भने समता अस्पतालले पनि १ सय रुपैयाँमै स्वास्थ्य सेवा दिँदै आएको छ ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles