कोरोना प्रभाव नदेखिएका देशमा श्रम स्वीकृति नरोकिने - News Birat

कोरोना प्रभाव नदेखिएका देशमा श्रम स्वीकृति नरोकिने

न्यूज विराट

काठमाडौं, फागुन २०–सरकारले कोरोना प्रभाव नदेखिएका देशमा श्रम स्वीकृति जारी गर्न नरोक्ने भएको छ । श्रम, रोजगार तथा सामाजिक सुरक्षा मन्त्रालयले कोरोना प्रभावित देशमा भने श्रम स्वीकृति रोक्न निर्णय भएको जानकारी दिएको छ । मंगलबार श्रम र परराष्ट्रमन्त्रालयबीच बसेको बैठकले कोरोना प्रभाव नदेखिएका देशमा भने तत्काल श्रम स्वीकृति स्थग नगर्ने निर्णय गरेको हो ।

सर्वोच्च अदालतले सोमबार संयुक्त अरब इमिरेट्स, कुवेत, इरान, बहराइन, जापान, दक्षिण कोरिया, इटली, चीनमा जाने नेपाली श्रमिकका हकमा श्रम स्वीकृति बन्द गर्न सरकारलाई आदेश दिएको थियो । सोही अनुसार मन्त्रालयले मंगलबार कोरोना प्रभावित आठ देशका लागि श्रम स्वीकृति रोकेको जनाएको छ । दक्षिण कोरियाले भने कोरियामा कोरोना भाइरसको संक्रमण फैलिएपछि विदेशी श्रमिक गत हप्तादेखि नै रोकेको थियो ।

मा प्रकाशित

यसमा तपाईको मत:

© Copyright 2017 - 2022 Newsbirat pvt ltd. All Rights Reserved.

Design / Developed by codebundles