विराटनगर, फागुन १९–पूर्वमन्त्री तथा मोरङ क्षेत्र नं. ५ का प्रतिनिधिसभा सदस्य शिवकुमार मण्डलले आफ्नो निर्वाचन क्षेत्र अन्तर्गत जहदा गाउँपालिकामा शिव मन्दिर निर्माणका लागि २१ लाख रुपैयाँ उपलब्ध गराउने भएका छन् ।
लोकप्रीय एवम् विकाप्रेमी नेताका रुपमा चिनिदै आएका सांसद मण्डलले मोरङ क्षेत्र नं. ५ को जहदा गाउँपालिका–४ स्थित स्थानीय जनताको चाहना अनुरुप शिव मन्दिर निर्माणका लागि निर्वाचन क्षेत्र पूर्वाधार विकास कार्यक्रम मार्फत २१ लाख रुपैयाँ उपलब्ध गराउने घोषणा गरेका हुन् ।
जहदा गाउँपालिका–४ स्थित सोहलमा अष्टजामको समापनमा प्रमुख अतिथि नेकपा केन्द्रीय सदस्य समेत रहेका सांसद मण्डलले स्थानीय जनताको चाहना शिव मन्दिर निर्माण गर्ने भएकाले आफ्नो तर्फबाट २१ लाख दिने घोषणा गरे । विकासप्रेमी, युवा नेता आफ्नो जनप्रतिनिधिका रुपमा पाएपछी स्थानीयले आफ्नो मतको सदुपयोग भएको बताएका छन् ।
उनीहरुले जनताका पिर मर्का र स्थानीय समस्या तत्काल समाधान गर्न सांसद मण्डलले स्थानीय, प्रदेश तथा संघिय सरकार मार्फत पहल गर्दै आएकोमा खुशि व्यक्त गरेका छन् । मन्दिर निर्माणका लागि सांसद मण्डलले सहयोग गर्ने घोषणा गरेसँगै स्थानीय थप हर्षित भएका छन् ।
सांसद मण्डलले प्रतिनिधिसभामा आम किसान, आधारभुत तहका जनताको अवश्यकता र अधिकारका लागि जोड्दार रुपमा आवाज उठाउँदै आएका छन् । सांसद मण्डल बोलेर भन्दा पनि गरेर देखाउने स्वभाव भएको नेतामा पर्दछन् ।
