शसस्त्र प्रहरीलाई गोताखोर तालिम सुरु
विराटनगर । कोशी प्रदेशमा शसस्त्र प्रहरीका लागि गोताखोर तालिम सुरु भएको छ । शसस्त्र प्रहरी बल नेपाल नं. १ बराह वाहिनी मुख्यालय सुनसरीको आयोजनामा तालिम सुरु भएको हो । तालिमको उद्घाटन कोशी प्रदेशका प्रमुख सचिव...
काठमाडौं, फागुन ८–सेक्युरिटी प्रेस खरिदमा सञ्चार तथा सूचना प्रविधिमन्त्री गोकुल बाँस्कोटाले स्वीस कम्पनीका एजेन्टसँग घुसको बार्गेनिङ गरेको अडियो टेप बाहिर आएको छ । सरकारका प्रवक्ता समेत रहेका मन्त्री बाँस्कोटाले सो अडियो टेपमा सेक्युरिटी प्रेस खरिद गर्दा कर्मचारीसँग कुरा नगर्न र आफैसँग कुरा गर्न आग्रह गरेका छन् ।
स्वीस कम्पनीका लोकल एजेन्ट विजय मिश्र र मन्त्री बाँस्कोटाबीचको सो संवादमा उनीहरुबीच घुसको बार्गेनिङ चलेको छ । बाँस्कोटाले २० देखि २७ अर्बमा सेक्युरिटी प्रेस स्थापनाको काम सक्न पाए हुन्थ्यो भन्ने आशय व्यक्त गरेका छन् । यस विषयमा सरकारको भने कुनै धारणा आइसकेको छैन । प्रधानमन्त्रीका प्रेस सल्लाहकार सूर्य थापाले यसबारे सरकारको तत्काल कुनै धारणा नआउने संकेत गरेका छन् । उनले यसबारे प्रतिक्रिया माग्दा सञ्चारमन्त्री बास्कोटाले नै यसबारे स्पष्ट पार्नसक्ने बताए ।
यता, सञ्चारमन्त्रीले घुस मागेको अडियो बाहिर आएपछि नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डको निवास खुमलटारमा भने तत्कालीन माओवादी नेताबीच छलफल भएको छ । सो विषयमा अध्यक्ष प्रचण्ड, नेता नारायणकाजी श्रेष्ठ र गृहमन्त्री रामबहादुर थापा बादलबीच कुराकानी भएको बताइएको छ । यद्यपि सो छलफल के विषयमा केन्द्रित भयो भन्ने जानकारी दिइएको छैन ।
