जनकपुर, फागुन ६–मुस्लिम समुदायको तीन दिने धार्मिक सम्मेलन इज्तिमा सप्तरीको बोदेबर्साइन ५ जाजरमा सम्पन्न भएको छ । नेपाल तथा भारतका गरी करिब २ लाख भन्दा बढी सहभागी मुस्लिम समुदायद्वारा संयुक्त रुपमा पवित्र नामाज र प्रार्थना प्रश्चात तीन दिने सम्मेलन सम्पन्न भएको हो ।

सम्मेलनका मुख्य प्रवचनकर्ता भारत दिल्लीस्थित मर्कट जामे मस्जिदका मौलाना मो. हजरत सादले तीन दिने सम्मेलनमा आपसी सदभाव र मानव कल्याण कार्यमा जोड दिएका थिए । उनले तीन दिनसम्म यति ठूलो सहभागितामा आयोजित धार्मिक सम्मेलनलाई भव्य र सभ्य बनाउन सहयोग पु¥याउने सबैमा धन्यवाद दिँदै दिएका थिए । नेपाल तथा भारतका धर्मगुरुहरूले सो क्रममा प्रवचन दिएका थिए ।