विकास हुन लाग्दा पीर परेको देखेर छक्क लाग्छः ओली - News Birat

विकास हुन लाग्दा पीर परेको देखेर छक्क लाग्छः ओली

न्यूज विराट

काडमाडौं, फागुन ५–प्रधानमन्त्री केपी शर्मा ओलीले सरकारले अघि सारेका विकास निर्माणको कामलाई सञ्चारमाध्यमले प्राथमिकता नदिएको गुनासो गरेका छन् । सञ्चारमाध्यमको भूमिका, सञ्चारमाध्यममा आएका समाचारप्रति असन्तुष्टि जनाउँदै आएका प्रधानमन्त्री ओलीले सोमबार काठमाडौंमा आयोजित कार्यक्रममा सञ्चारमाध्यमले दिने गरेको प्राथमिकताबारे गुनासो गरेका हुन् ।

काठमाडौं उपत्यका विद्युत् वितरण प्रणाली भूमिगत तथा सुदृढीकरण कार्यको उद्घाटन समारोहलाई सम्बोधन गर्दै प्रधानमन्त्री ओलीले प्रविधिको सुरुवात भएको समाचार दिनुको सट्टा केही सञ्चारमाध्यमले फेरि पनि बासुरी नै बजाएको समाचार दिने गरेको टिप्पणी गरे । आफूले भनेको विषयलाई हुबहु नराखेर तोडमोड गरी अर्नगल प्रचार गर्ने गरिएको दुस्खेसो पोखे ।

उनले भने, ‘कुनै कुनै सञ्चारमाध्यमले यो न्यूज दिनभन्दा बाँसुरी बजाएको न्यूज दिन्छन् भोलि पनि, दया लाग्छ । देश विकास हुन लाग्दा पीर किन परेको, त्यो छक्क लाग्छ । कुनै–कुनै भन्ने शब्द प्रयोग गर्या छु । कुनै कुनै भन्ने शब्द बिर्सन्छन् अनि यसो भन्यो भनेर कुनै कुनै शब्द काटेर पठाउँछन् । भोलि पनि हेर्नुहोला बाँसुरी बजाएको फोटो छाप्छन् । यो फोटै छाप्दैनन् ।’

मा प्रकाशित

यसमा तपाईको मत:

© Copyright 2017 - 2021 Newsbirat pvt ltd. All Rights Reserved.

Design / Developed by codebundles